Надрукаваць гэтую старонку
Апублікавана ў Пятніца, 02 Жнівень 2024 15:00

Запрашаем купалаўцаў прыняць удзел у конкурсе візуальных мастацтваў "Віцебскі Лістапад"

фоткаXXXVIII Адкрыты фестываль аўтарскай песні, паэзіі і візуальных мастацтваў "ВІЦЕБСКІ ЛІСТАПАД" пройдзе з 24 па 27 кастрычніка, зноў аб'яднаўшы ў творчым палёце музыкантаў, паэтаў, мастакоў і фатографаў.

Фестываль праводзіцца штогод з 1987 года і з'яўляецца найстарэйшым фестывалем аўтарскай песні і паэзіі, які праходзіць на закрытай канцэртнай пляцоўцы, дзе выступаюць аўтары-выканаўцы, паэты і мастакі з Беларусі і краін блізкага і далёкага замежжа. Фестываль накіраваны на прапаганду і развіццё аўтарскай песні, паэзіі, выканальніцкага майстэрства і візуальных мастацтваў як складальнікаў гарадской культуры і ўмацаванне міжнародных сувязей праз культурнае супрацоўніцтва і творчасць.

Прыняць удзел у фестывалі можна ў двух фарматах: вочна і завочна.

Адкрыта падача заявак па наступных намінацыях: “Аўтарская песня. Аўтар», «Аўтарская песня. Выканаўца», «Аўтарская песня. Кампазітар», «Аўтарская песня. Музычная група» (узроставыя катэгорыі: да 17 гадоў, 18 гадоў і старэйшыя);

“Паэзія. Аўтарскі твор», «Паэзія. Мастацкая дэкламацыя» (узроставыя катэгорыі: да 17 гадоў, 18 гадоў і старэйшыя);

«Візуальнае мастацтва. Жывапіс», «Візуальнае мастацтва. Графіка», «Візуальнае мастацтва. Абстрактная кампазіцыя», «Візуальнае мастацтва. Дэкаратыўная кампазіцыя» (узроставыя катэгорыі: 6-8 гадоў, 9-12 гадоў, 13-17 гадоў); «Візуальнае мастацтва. Жывапіс», «Візуальнае мастацтва. Графіка», «Візуальнае мастацтва. Дэкаратыўная кампазіцыя» (узроставая катэгорыя: 18 гадоў і старэй);

«Візуальнае мастацтва. Прафесійная фатаграфія», «Візуальнае мастацтва. Аматарская фатаграфія» (узроставая катэгорыя: 16 гадоў і старэй); «Візуальнае мастацтва. Музычны кліп», «Візуальнае мастацтва. Відэапаэзія» (узроставая катэгорыя: 18 гадоў і старэй).

Заяўкі на ўдзел прымаюцца на пошту listopad@gck.by па 23 верасня 2024 года ўключна.

Адборачны этап конкурса для ўсіх намінацый пройдзе з 25 па 27 верасня. Вынікі будуць апублікаваны не пазней за 30 чысла на афіцыйным сайце Цэнтр культуры, а таксама ў сацсетках форуму.

Фінальны этап і падвядзенне вынікаў конкурсу пройдуць у час правядзення асноўных мерапрыемстваў фестывалю з 24 па 27 кастрычніка ў Віцебску.

Падрабязную інфармацыю і патрабаванні па прадастаўленні матэрыялаў для кожнай з намінацый вы знойдзеце ў  Палажэнні пра фэстываль.