Студэнты валанцёрскіх атрадаў «ЭФІКТыВ» і «BENEФІКТ» сумесна з першаснай арганізацыяй ГА «БРСМ» Купалаўскага ўніверсітэта і студэнцкім сукіраваннем факультэта гісторыі, камунікацыі і турызму правялі дабрачынную акцыю, прымеркаваную да Дня пажылога чалавека.

Учора, 8 кастрычніка, для пацыентаў аддзялення сястрынскага догляду Сапоцкінскай гарпасялковай бальніцы былі перададзены рэчы, сабраныя ўдзельнікамі акцыі.

Мэтай дабрачыннай акцыі "Пошта клопату ад унукаў" з'яўляецца праява клопату і ўвагі аб старэйшым пакаленні, а таксама захаванне гістарычнай пераемнасці.