Мерапрыемствы, прысвечаныя Беларускаму тыдню прадпрымальніцтва, адбудуцца на факультэце эканомікі і кіравання. Не прапусціце магчымасць развіць свае навыкі і пашырыць сетку кантактаў у рамках цікавай падзеі!

Ужо заўтра, 21 лістапада, пройдзе мітап "Натхненне ад лідараў". Вас чакаюць натхняючыя гісторыі ад паспяховых лідараў у розных галінах. Удзельнікі мерапрыемства атрымаюць каштоўныя парады аб тым, як пераадольваць цяжкасці, а яшчэ ўдзел у мітапе - гэта выдатная магчымасць сустрэць аднадумцаў. Пачатак у 11:40 (вул. Гаспадарчая, 23, аўдыторыя 101).

А 26 лістапада ў 11.30 пройдзе кейс-чэмпіянат "Генератар ідэй" па эканоміцы і прадпрымальніцтве (вул. Гаспадарчая, 21б, Тэхнапарк).

Удзельнікі кейс-чэмпіянату будуць працаваць над рэальнай бізнес-задачай, распрацоўваючы інавацыйныя рашэнні. Кейс-чэмпіянат - гэта ўнікальная магчымасць прадэманстраваць свае аналітычныя здольнасці, крэатыўнасць і ўменне працаваць у камандзе.

Для ўдзелу ў кейс-чэмпіянаце неабходна прайсці рэгістрацыю па спасылцы, спампаваць кейс і выканаць яго да 24 лістапада.

Далучайцеся да Беларускага тыдня прадпрымальніцтва!