Загадчык кафедры архітэктуры і будаўніцтва інжынернага факультэта ГрДУ імя Янкі Купалы Ала Волік прыняла ўдзел у навукова-практычнай канферэнцыі «Актуальныя пытанні ў энергетыцы», якая праходзіць пад эгідай Міністэрства энергетыкі, арганізатарам выступіў ДІПК «ГАЗ-ІНСТЫТУТ».
У мерапрыемстве прынялі ўдзел прадстаўнікі Міністэрства працы і сацыяльнай абароны арганізацый, якія ўваходзяць у склад ДВА «Белтопгаз» і ДВА «Белэнерга», Упраўлення Беларускай чыгункі, прадстаўнікі ВНУ краіны і іншыя. Праграма канферэнцыі ўключала пленарнае пасяджэнне і работу трох тэматычных секцый: «Лічбавая трансфармацыя галіны»; «Вытворчая бяспека»; «Навука і адукацыя для галіны».
Ала Рычардаўна выступіла з дакладам «ГрДУ імя Янкі Купалы і УП «Гроднааблгаз»: узаемадзеянне і перспектывы». Тэма ўзаемадзеяння працадаўцаў і ВНУ – адна з актуальных тэм у пытаннях падрыхтоўкі кадраў у сучасным грамадстве. У дакладзе прадстаўлена інфармацыя аб асноўных напрамках супрацоўніцтва ў прафарыентацыйнай і вучэбнай рабоце, навуковых даследаваннях.
