Факультэт гісторыі, камунікацыі і турызму і кафедра журналістыкі запрашаюць прыняць удзел у VII Рэспубліканскай навукова-практычнай інтэрнэт-канферэнцыі студэнтаў і маладых даследчыкаў "Медыякамунікацыі ў XXI стагоддзі: традыцыі і навацыі".Праблемнае поле канферэнцыі ахоплівае шырокае кола пытанняў, звязаных з прасторай сродкаў масавых камунікацый: мова і стыль медыякамунікацый; мастацкі тэкст у медыякультуры; традыцыйныя СМІ і новыя медыя; рэкламныя і PR-камунікацыі ў сучасным грамадстве; сацыялагічныя даследаванні медыякамунікацый; медыякамунікацыі ў турыстычнай сферы; адлюстраванне гістарычных працэсаў у медыя; гісторыя медыя і сацыяльных камунікацый; медыяадукацыя і інфармацыйная пісьменнасць. Упершыню арганізатары прапануюць абмеркаваць на палях канферэнцыі пытанні прымянення штучнага інтэлекту ў сучасных медыякамунікацыях.
Для ўдзелу ў канферэнцыі неабходна да 1 сакавіка запоўніць рэгістрацыйную форму ўдзельніка на сайце.
Да рэгістрацыйнай формы прымацоўваецца тэкст публікацыі. Па выніках канферэнцыі плануецца падрыхтоўка зборніка матэрыялаў, які пройдзе дэпаніраванне.
Прадугледжана дыстанцыйная форма ўдзелу ў канферэнцыі. Пленарнае і секцыйныя пасяджэнні адбудуцца 21 сакавіка з 10:00 да 16:00 на пляцоўцы выдаленай канферэнц-сувязі.
Падрабязная інфармацыя аб канферэнцыі, умовы ўдзелу, патрабаванні да афармлення матэрыялаў – у інфармацыйным лісце.