Канферэнцыя накіравана на стварэнне платформы для абмеркавання актуальных пытанняў сацыялогіі і паліталогіі, абмену навуковымі ідэямі і практычным вопытам паміж студэнтамі, магістрантамі і аспірантамі. Удзельнікі змогуць прадэманстраваць свае даследаванні, праекты і распрацоўкі, а таксама завесці новыя знаёмствы і наладзіць супрацоўніцтва з калегамі з розных навучальных устаноў.

Форма правядзення канферэнцыі: вочная, дыстанцыйная, завочная. Мовы канферэнцыі - руская, беларуская, англійская. Гэта створыць магчымасць для шырэйшага ўдзелу і абмеркавання сярод міжнароднай аўдыторыі.

Запрашаем маладых вучоных прыняць актыўны ўдзел у чытаннях. Для гэтага неабходна падрыхтаваць і прадставіць свае навуковыя працы, якія будуць разгледжаны экспертным журы. Падрабязнасці аб рэгістрацыі і патрабаваннях да матэрыялаў ШУКАЙЦЕ ТУТ.

Напрамкі работы канферэнцыі: сучасная сацыялогія: актуальныя пытанні тэорыі і метадалогіі; адукацыя, навука і інавацыі як сусветныя трэнды; каштоўнасныя арыентацыі і асаблівасці сацыялізацыі моладзі; рэлігія і культура ў сучасным свеце; сацыяльныя дэвіяцыі ў сучасным грамадстве; экалагічны напрамак у сацыялагічным дыскурсе; сучасныя культурныя індустрыі і менеджмент у сферы турызму; сацыяльна-эканамічныя, палітычныя, дэмаграфічныя і культурныя аспекты развіцця грамадства; сацыялагічныя даследаванні медыякамунікацый; гістарычныя працэсы скрозь прызму развіцця сацыякультурных практык; ІТ-прастора, бяспека і рэгіянальныя інтэграцыйныя працэсы: месца і роля Беларусі; трансфармацыя камунікацый у лічбавую эпоху; сучасныя тэндэнцыі медыяспажывання.

Заяўка і матэрыялы дакладаў прымаюцца да 7 сакавіка ў электронным выглядзе на адрас:Vojtexhik_AS@grsu.by.

Увага! Аргкамітэт пацвярджае атрыманне заяўкі і дакладаў кароткім лістом (на працягу 2-х працоўных дзён). Калі вы не атрымалі такога пацверджання, значыць, вашае адпраўленне было страчана пры перасылцы. Вам неабходна паўтарыць яго і звязацца па тэл. (8 029 7554288, Viber, WhatsApp). Кантактная асоба: Касяноўская Ганна Станіславаўна.

Па выніках канферэнцыі будзе падрыхтаваны зборнік навуковых артыкулаў, які пройдзе дэпаніраванне. Электронная версія зборніка будзе размешчана на сайце факультэта гісторыі, камунікацыі і турызму і ў навуковай бібліятэцы ГрДУ імя Янкі Купалы.