На кафедры паліталогіі і сацыялогіі распрацавана крытэрыяльная мадэль ацэнкі задаволенасці персанала прадпрыемстваў і арганізацый розных галін. Мадэль уключае ўзаемазвязаныя адзнакі задаволенасці працаўнікоў па ключавых параметрах: імідж арганізацыі, далягляды развіцця, даступнасць інфармацыі, умовы працы, адзнака працы кіраўніцтва, чаканні супрацоўнікаў і сацыяльна-псіхалагічны клімат.

На аснове гэтай мадэлі створаны сацыялагічны інструментарый, методыка падліку вынікаў і працэдура збору інфармацыі. Мадэль дазваляе ацаніць дзейнасць прадпрыемства на адпаведнасць патрабаванням (крытэрый 6.2) мадэлі Прэміі Урада Рэспублікі Беларусь за дасягненні ў галіне якасці.

Распрацоўка можа быць выкарыстана для паляпшэння кіраўніцкай дзейнасці і павышэння эфектыўнасці сістэмы кіравання персаналам. Вынікі адзнакі задаволенасці дапамогуць вызначыць напрамкі для ўдасканалення кіравання, а таксама прадэманстраваць адпаведнасць патрабаванням згаданага крытэрыя.

Канкурэнтныя перавагі распрацоўкі: выкарыстанне інфармацыйных сістэм для аператыўнага збору даных і забеспячэння рэпрэзентатыўнасці выбаркі, а таксама інавацыйныя формы і метады для маніторынгу задаволенасці работнікаў.

Партнёрамі праекта з'яўляюцца ААТ «Гродзенскі мясакамбінат» і аддзел менеджменту якасці УА «ГрДУ імя Янкі Купалы».

Кіраўніком распрацоўкі стаў кандыдат сацыялагічных навук, дацэнт, дацэнт кафедры паліталогіі і сацыялогіі, начальнік аддзела менеджменту якасці ГрДУ імя Янкі Купалы Сяргей Шчарбінін.