Адбыліся сустрэчы з прадстаўнікамі Самаркандскага інстытута эканомікі і сэрвісу, Самаркандскага дзяржаўнага ўніверсітэта, філіяла Ташкенцкага ўніверсітэта інфармацыйных тэхналогій. Гэтыя перагаворы прывялі да заключэння важных пагадненняў, а таксама вызначылі далейшыя крокі ў развіцці ўзаемавыгаднага супрацоўніцтва.

Акрамя таго, Алеся Бялко прыняла ўдзел у выставе «World Edu 2025», дзе быў прадстаўлены адукацыйны і навуковы патэнцыял Купалаўскага ўніверсітэта. Такія мерапрыемствы не толькі спрыяюць умацаванню сувязяў паміж універсітэтамі розных краін, але і дазваляюць прасоўваць адукацыйныя і навуковыя ініцыятывы, робячы ўніверсітэт больш бачным і прывабным для міжнароднай супольнасці.