У гэтым годзе канферэнцыя прысвечана агульнай тэме «Маральныя каштоўнасці і будучыня чалавецтва».
Чытання пройдуць 7-8 снежня 2017 года. Пленарнае пасяджэнне адбудзецца ў актавай зале парафіяльнага комплексу Свята-Пакроўскага сабора, круглы стол «Антрапалагічны крызіс сучаснасці і шляхі яго пераадолення» - у Гродзенскім дзяржаўным універсітэце імя Янкі Купалы, секцыйныя пасяджэнні - у гімназіі № 2 і сярэдняй школе № 38.
Да ўдзелу запрашаюцца школьнікі, навучэнцы каледжаў і педагогі, студэнты і выкладчыкі, прадстаўнікі духавенства, гісторыкі, культуролагі, філосафы, філолагі, а таксама ўсе, каго хвалюе праблема маральных каштоўнасцяў чалавецтва.
У рамках канферэнцыі плануецца абмеркаванне шэрагу тэм, асноўнымі сярод іх з'яўляюцца: 500-годдзе выдання Бібліі Францыскам Скарынам, 300-годдзе Свяціцеля Георгія (Каніскага), арцыбіскупа Магілёўскага, гістарычная дынаміка маральнасці, праблематызацыі маральных каштоўнасцяў у літаратуры і мастацтве, сцэнары будучыні: перспектывы развіцця чалавечай цывілізацыі, навука і рэлігія: канфлікт або супрацоўніцтва?
Мерапрыемства з'яўляецца рэгіянальным этапам Міжнародных Калядных адукацыйных чытанняў, якія адбудуцца ў Маскве 24-28 студзеня 2018 года.
Арганізатары чытанняў - Гродзенскі дзяржаўны ўніверсітэт імя Янкі Купалы, аддзел рэлігійнай адукацыі і катэхізацыі Гродзенскай епархіі Беларускай Праваслаўнай Царквы, аддзел адукацыі, спорту і турызму Гродзенскага гарвыканкама, гімназія № 2 г. Гродна, сярэдняя школа № 38 г. Гродна і Гродзенскі дзяржаўны музей гісторыі рэлігіі .