12 верасня ў рамках цыкла мерапрыемстваў «Месяц першакурсніка» ў Гродзенскім дзяржаўным універсітэце імя Янкі Купалы прайшла дыялогавая пляцоўка пад назвай «Крымінальная адказнасць непаўналетніх».Перад студэнтамі першага курса выступіў старшы інспектар упраўлення аховы правапарадку і прафілактыкі ўпраўлення ўнутраных спраў Гродзенскага аблвыканкама Сяргей Крупіца.
У ходзе дыялогавай пляцоўкі былі закрануты розныя аспекты гэтай тэмы, у тым ліку прававыя нормы, шляхі прадухілення злачыннасці сярод падлеткаў. Удзельнікі мерапрыемства актыўна абменьваліся меркаваннямі, дзяліліся досведам і выказвалі прапановы па паляпшэнні сітуацыі.
Мерапрыемства стала важным крокам у асвятленні праблемы крымінальнай адказнасці непаўналетніх і садзейнічала фарміраванню ўсвядомленага і адказнага стаўлення да закона сярод студэнцкай моладзі. Такія ініцыятывы адыгрываюць значную ролю ва ўтварэнні маладога пакалення і фарміраванні прававой культуры ў грамадстве.
