Нацыянальная дзяржаўная тэлерадыёкампанія Рэспублікі Беларусь запрашае прыняць удзел у XI Рэспубліканскім творчым радыёконкурсе "Маладыя таленты Беларусі" (далей - радыёконкурс), які праводзіцца ў рамках аднайменнай радыёперадачы для наступнай трансляцыі ў эфіры Першага нацыянальнага канала Беларускага радыё.
Мэты радыёконкурсу
- выяўленне і падтрымка маладых адораных музыкаў у розных жанрах музычнага мастацтва
- павышэнне творчага майстэрства і выканальніцкай культуры маладых выканаўцаў
- асвятленне дзейнасці маладых выканаўцаў, іх творчых поспехаў і дасягненняў
- выяўленне цікавых музычных твораў і стварэнне стымулу для іх стварэння
- папулярызацыя творчасці беларускіх аўтараў і музыкаў.
Радыёконкурс праводзіцца па сямі намінацыях:
- «Эстрадны вакал. Салісты»;
- «Эстрадны вакал. Ансамблі»;
- «Інструментальная музыка. Салісты»;
- «Інструментальная музыка. Ансамблі»;
- «Спадчына. Салісты»;
- «Спадчына. Ансамблі»;
- «Акадэмічны вакал. Салісты»;
Прыём заявак - з 15 па 31 сакавіка 2022 г.
Аб'яўленне і ўзнагароджанне пераможцаў адбудзецца ў маі 2022 года.
Пераможцы радыёконкурсу ўзнагароджваюцца дыпломамі лаўрэатаў і памятнымі прызамі.
З парадкам і ўмовамі правядзення конкурсу можна азнаёміцца ў Палажэнні.
Форма заяўкі на ўдзел у конкурсе тут.