У малой зале Палаца Рэспублікі 30 студзеня 2016 года адбылося пашыранае пасяджэнне Рэспубліканскага Савета РГА «Белая Русь».
У перыяд з 5 па 19 лютага 2016 года ў Гродзенскім дзяржаўным універсітэце імя Янкі Купалы будзе праходзіць спартакіяда «Маё здароўе ў маіх руках» сярод выкладчыкаў і супрацоўнікаў ВНУ.
Праграма спаборніцтваў
Дата | Спаборніцтва | Месца правядзення |
5.02.2016 | Шашкі | вул. Ажэшкі, 22 |
5.02.2016 | Настольны тэніс | вул. Ажэшкі, 22 |
10.02.2016 | Шахматы | вул. Ажэшкі, 22 |
10-11.02.2016 | Баскетбол | вул. Ажэшкі, 22 |
16-17.02.2016 | Валейбол | вул. Ажэшкі, 22 |
18-19.02.2016 | Міні-футбол | вул. Захарава, 32 |
Падрабязнасці правядзення спартакіяды гл. у палажэнні.
У Гродзенскім дзяржаўным універсітэце імя Янкі Купалы 29 студзеня 2016 года адбыўся 19-ы выпуск магістрантаў. Дыплом магістра атрымалі 86 выпускнікоў, з іх чатыры ўпершыню сталі магістрамі па спецыяльнасці «Воінскае навучанне, баявая падрыхтоўка, ваенная педагогіка і псіхалогія, кіраванне паўсядзённай дзейнасцю войскаў».
29 студзеня 2016 года ў 15.00 у Гродзенскім дзяржаўным універсітэце імя Янкі Купалы адбудзецца 19-ы выпуск магістрантаў. Дыплом магістра па 22 спецыяльнасцях атрымаюць 86 выпускнікоў завочнай формы атрымання адукацыі. Чацвёра сярод іх – першыя выпускнікі спецыяльнасці «Воінскае навучанне, баявая падрыхтоўка, ваенная педагогіка».
Месца правядзення мерапрыемства – адукацыйны медыякомплекс Гродзенскага дзяржаўнага ўніверсітэта імя Янкі Купалы (вул. Ажэшкі, 22, аўд. 218).
У Гродзенскім дзяржаўным універсітэце імя Янкі Купалы ў напярэдадні Дня беларускай навукі, 27 студзеня 2016 г., ушаноўвалі навукоўцаў Гродзеншчыны.
Адпаведнае распараджэнне Аляксандр Рыгоравіч Лукашэнка падпісаў 18 студзеня 2016 года. Усяго ў 2016 годзе стыпендыі Прэзідэнта Рэспублікі Беларусь будуць атрымліваць 45 аспірантаў устаноў адукацыі і арганізацый, падпарадкаваных Міністэрству адукацыі.
Аб'яўлены конкурс на падачу заявак па праграме «Эрасмус+ Крэдытная мабільнасць» ва ўніверсітэт Гранады (Іспания).
Мэтавая група: прафесарска-выкладчыцкі склад ГрДУ імя Янкі Купалы.
Дэдлайн для падачы заявак: 29 лютага 2016 года.
Працягласць мабільнасці: 5 дзён (не ўлічваючы час на дарогу).
Стыпендыя складае 120 еўра ў суткі і выплачваецца ў пачатку мабільнасці ў аддзеле міжнародных адносін ВНУ.
Сушукальніку неабходна прадаставіць наступныя дакументы:
- заяўку;
- матывацыйны ліст;
- план лекцый (мінімум 8 акадэмічных гадзін чытання лекцый);
- рэзюме/СV (напрыклад, у фармаце Europass).
Усе дакументы падаюцца ў сектар распрацоўкі праектаў аддзела міжнароднай праектнай дзейнасці ў папяровым і электронным варыянце.
Кантакты
Адрас: г. Гродна, вул. Ажешкі, 22, офис 317а (сектар рраспрацоўкі праектаў аддзела міжнароднай праектнай дзейнасці)
Тэл.: 73-19-54
E-mail: project@grsu.by
У Ліцэі Беларускага дзяржаўнага ўніверсітэта 21 студзеня 2016 года адбыўся ўрачысты сход, прысвечаны 20-годдзю Спецыяльнага фонду Прэзідэнта Рэспублікі Беларусь па сацыяльнай поптрымцы адораных навучэнцаў і студэнтаў.
У ліцэі Беларускага дзяржаўнага ўніверсітэта 19 студзеня 2016 года адбылося стартавае мерапрыемства «Запрашэнне ў свет навукі» фэстывалю моладзевай універсітэцкай навукі, прымеркаванага да Дня беларускай навукі.
Выкладчыкі Гродзенскага дзяржаўнага ўніверсітэта імя Янкі Купалы запрашаюцца да ўдзелу ў конкурсе SAIL праграмы «Балтыйскі ўніверсітэт». На борце карабля Fryderyk Chopin у жніўні 2016 года ўдзельнікам будзе прапанаваны спецыяльны навучальны курс.
Курс SAIL – «Устойлівасць міжнароднага навучання»- стартуе 14 жніўня 2016 года ў г. Ла-Карунья (Іспанія) і завяршаецца 28 жніўня 2016 года ў г. Бліце (Вялікабрытанія).
Тэмы курса - навакольнае асяроддзе, энергетыка, клімат, тэхналогіі, эканоміка, сацыяльныя навукі, адукацыя і іншае.
Абавязковым крытэрыем адбору ўдзельнікаў з'яўляецца высокі ўзровень веды англійскай мовы.
Апошні тэрмін падачы заяўкі - 22 лютага 2016 года.
Праграмай пакрываюцца выдадкі па запланаваным на караблі мерапрыемствам і плаванні, уключаючы харчаванне і пражыванне.
Праграма «Балтыйскі ўніверсітэт» зацікаўлена ў падборы вопытных выкладчыкаў, якія спецыялізуюцца па тэмах, звязаных з устойлівасцю. Перавага аддаецца выкладчыкам са ступенню кандыдата навук і дакументальна пацверджанымі выкладчыцкімі навыкамі.
Для ўдзелу ў конкурсе неабходна падаць наступныя дакументы (усе дакументы неабходна захоўваць пад сваім імем):
- матывацыйны ліст (1 старонка);
- рэзюме (максімум 2 старонкі);
- спіс публікацый (не больш за 10);
- кароткая біяграфія (1 старонка);
- апісанне вашага магчымага ўдзелу ў курсе SAIL-2016, значнасць вашага ўдзелу. Інавацыйныя ідэі ў змесце курса, методыка выкладання або іншая дзейнасць на борце (уключаючы сацыяльную) вітаюцца (максімум 1 старонка);
- звесткі аб стане здароўя (павінна быць фактычнае пацверджанне, калі заяўка будзе адобрана);
-па выбары: кароткае відэа (5-10 хвілін) лекцыі ці іншага падобнага працэсу выкладання на англійскай мове.
Заяўка падаецца Maria Hejna на электронны адрас maria.hejna@csduppsala.uu.se.
Падрабязная інфармацыя на сайце http://www.balticuniv.uu.se/index.php/component/content/article/1-latest-news/1107-call-for-teachers-to-the-2016-sail-course
У Гродзенскім дзяржаўным універсітэце імя Янкі Купалы 12-13 мая 2016 года адбудуцца XIII Міжнародныя Карскія чытанні «Славянскі свет і нацыянальная моўная культура ў сучаснай камунікацыі», прысвечаныя 155-годдзю вучонага-славіста, ураджэнца Гродзеншчыны, акадэміка Я.Ф. Карскага.
Праца канферэнцыі будзе праходзіць у рамках наступных секцый:
- «Роля і месца навуковай спадчыны акадэміка Я.Ф. Карскага ў развіцці мовазнаўства і гуманітарных ведаў у цэлым»;
- «Карскіана: факты, дакументы, пасведчанні, архіўные знаходкі»;
- «Беларуская мова і беларускае мовазнаўства: шлях ад Карскага да нашых дзён»;
- «Масавая камунікацыя трэцяга тысячагоддзя: пытанні да будучыні»:
- сацыякультурны аспект;
- суб'екты маўлення;
- навацыі і дэвіяцыі;
- норма і узус;
- экалогія мовы і маўленчай асобы»;
- «Varia» (матэрыялы, якія адпавядаюць тэме канферэнцыі, у рамках іншых напрамкаў).
У рамках чытанняў плануецца правядзенне Міжнароднага навуковага семінара «Моўныя працэсы ў масмедыя славянскіх краін» Камісіі па медыялінгвістыцы пры Міжнародным камітэце славістаў (кіраўнік Л.Р. Дускаева). Праблемнае поле семінара ўключае наступныя пытанні:
- «Медыялінгвістыка: катэгорыі, метадалогія, развіццё, перспектывы»;
- «Маўленчае аблічча рэгіянальных сродкаў масавай інфармацыі і камунікацыі»;
Рабочыя мовы чытанняў - славянскія.
Для ўдзелу ў XIII Міжнародных Карскіх чытаннях неабходна да 15 сакавіка 2016 года падаць заяўку па форме, названай у дадатку, на электронны адрас karskie.chteniya@mail.ru.
Па выніках канферэнцыі плануецца выданне зборніка навуковых матэрыялаў.
Арганізатары канферэнцыі - Міністэрства адукацыі Рэспублікі Беларусь, Гродзенскі дзяржаўны ўніверсітэт імя Янкі Купалы, Гродзенскі абласны выканаўчы камітэт, Камісія па медыялінгвістыцы пры Міжнародным камітэце славістаў.
Кантакты
Адрас: 230023, Рэспубліка Беларусь, Гродна, вул. Ажэшкі, 22, каб. 319 (кафедра журналістыкі)
Факс: +375 (152) 73-19-10
Тэл.: +375(152) 73-19-88 (кафедра журналістыкі)
+375 (29)782-96-11 (Марыя Іосіфаўна Канюшкевіч)
+375 (33) 699-77-44 (Іна Іванаўна Мінчук)
У Гродзенскім дзяржаўным універсітэце імя Янкі Купалы 27 студзеня 2016 года адбудзецца ўрачыстая сустрэча старшыні Гродзенскага абласнога выканаўчага камітэта Уладзіміра Васільевіча Краўцова з прадстаўнікамі навуковых школ ВНУ і ўстаноў НАН Беларусі Гродзенскага рэгіёну. Сустрэча прысвечана Дню беларускай навукі.
З дакладамі аб выніках навуковай і інавацыйнай дзейнасці ВНУ выступяць прадстаўнікі Гродзенскага дзяржаўнага ўніверсітэта імя Янкі Купалы, Гродзенскага дзяржаўнага медыцынскага ўніверсітэта і Гродзенскага дзяржаўнага аграрнага ўніверсітэта.
У Гродзенскім дзяржаўным універсітэце імя Янкі Купалы 22 студзеня 2016 года сярод выкладчыкаў і супрацоўнікаў адбудзецца адкрытае першынства ВНУ па дартсе.
Спаборніцтвы пройдуць па адрасе: вул. Захарава, 32 у 15.00.
Даведка па тэл. +375 (29) 784-71-67
У Гродзенскім дзяржаўным універсітэце імя Янкі Купалы 18 студзеня 2016 года прайшло справаздачна-выбарнае пасяджэнне ветэранскай арганізацыі ВНУ.