Конкурс быў прымеркаваны да 80-годдзя вызвалення Беларусі ад нямецка-фашысцкіх захопнікаў, праводзіўся з мэтай выяўлення і заахвочвання курсантаў, якія прадэманстравалі высокія дасягненні ў вучобе, спорце, творчасці і патрыятычнай дзейнасці.Фінальныя іспыты конкурсу складаліся з трох тэматычных блокаў, якія ахопліваюць як тэарэтычныя веды, так і практычныя навыкі. Ваенны факультэт Гродзенскага дзяржаўнага ўніверсітэта імя Янкі Купалы прадставіла сяржант 3 курса Яроміна Вікторыя.
На першым этапе ўдзельнікі прадэманстравалі свае інтэлектуальныя здольнасці, адказваючы на пытанні аб дзяржаўным ладзе Беларусі, гісторыі Вялікай Айчыннай вайны, асновах бяспекі жыццядзейнасці і страявым статуце Узброеных Сіл Рэспублікі Беларусь. Затым канкурсанты выканалі комплекс практыкаванняў па фізічнай, страявой і агнявой падрыхтоўцы, які ўключае чоўнавы бег, разборку і зборку аўтамата Калашнікава АК-74, стральбу па мішэнях і адзіночную страявую падрыхтоўку.
Заключным этапам мерапрыемства стаў творчы конкурс візітных картак "Мой факультэт", які прайшоў 1 лістапада. Тут курсанты прадставілі свае факультэты, прадэманстраваўшы актыўны ўдзел у грамадскім жыцці, свае дасягненні і асабістыя якасці.
Вікторыя Яроміна годна прадставіла Купалаўскі ўніверсітэт і ваенны факультэт. Жадаем дзяўчыне далейшых поспехаў!
