У рамках конкурсу "Пяршоўка са знакам якасці" адзначылі дзевяць пярвічных арганізацый. У іх ліку Гродзенскі дзяржаўны ўніверсітэт імя Янкі Купалы, ААТ "Гроднажылбуд", ААТ "Гродзенскі мясакамбінат", ААТ "Гроднахлебпрам" і Галоўнае статыстычнае ўпраўленне Гродзенскай вобласці.

У рамках урачыстай цырымоніі ўзнагароджання была аб'яўлена падзяка рэктару ГрДУ імя Янкі Купалы Ірыне Кітурка за вялікі асабісты ўклад, плённае супрацоўніцтва, умелае, энергічнае, мудрае кіраўніцтва і падтрымку ГА "БСЖ". Таксама падзякі ўручылі старшыням пярвічных арганізацый. Нагадаем, у Купалаўскім універсітэце першасную арганізацыю ГА "БСЖ" узначальвае дэкан факультэта эканомікі і кіравання Марына Карпіцкая.

У цырымоніі ўзнагароджання прынялі ўдзел прадстаўніцы розных галін, актывісткі, якія працуюць на карысць грамадства. Завяршылася мерапрыемства словамі падзякі прадстаўнікоў прадпрыемстваў і арганізацый горада. Дадзеная падзея паказвае, што праца і дасягненні жанчын атрымліваюць заслужанае прызнанне, натхняюць іншых на новыя здзяйсненні і добрыя справы.