Мітап адкрыла мадэратар, загадчык кафедры міжнароднага бізнесу і маркетынгу ГрДУ імя Янкі Купалы Анастасія Чыгрына. Анастасія Ігараўна падкрэсліла важнасць такіх сустрэч для фарміравання новага пакалення лідараў, гатовых да выклікаў сучаснага бізнесу. Яна адзначыла, што сённяшняя сустрэча – гэта не проста магчымасць пачуць гісторыі поспеху, але і шанц задаць пытанні, атрымаць парады і ўстанавіць карысныя кантакты.

Асноўнай часткай мерапрыемства стала панэльная дыскусія на тэму «Шлях да поспеху: як пачаць свой бізнес». Спікерамі выступілі дасведчаныя і харызматычныя прадпрымальнікі, паспяховыя ў сваёй вобласці і гатовыя дзяліцца гісторыямі і ўрокамі, якія яны вынялі са свайго досведу:

Сабіна Петрасян – заснавальнік і CEO кафэ «Цяпло» і кавярні «Брю.ці.фул», падзялілася сваім досведам пераходу з медыцыны ў бізнэс.

Марыя Якубецкая – дырэктар ТАА «Альптранс Груп», распавяла аб складанасцях у сферы транспартнай лагістыкі.

Алена Сівянкова – стваральнік брэнда «Bogini brand», натхніла студэнтаў на стварэнне ўнікальнага стылю.

Ала Клімук – дырэктар ТАА «Муці», падзялілася сваімі поспехамі ў пашыве футравых вырабаў.

Алена Клімук – заснавальнік кулінарнай студыі «CookКлімук», распавяла пра свой шлях у кулінарыі.

Аляксей Календа – кіраўнік групы кампаній G3, абмеркаваў кіраванне і развіццё бізнесу ў сферы будаўніцтва нерухомасці.

Спікеры дзяліліся асабістымі гісторыямі, расказваючы пра цяжкасці і дасягненні. Студэнты прымалі актыўны ўдзел у дыскусіі, задаючы шматлікія пытанні, якія датычацца прынцыпаў прадпрымальніцтва, кіравання камандамі і ўрокаў, вынесеных з няўдач. Удзельнікі даведаліся аб важнасці карпаратыўнай культуры, матывацыі каманды ў цяжкія часы і аб тым, якія рэсурсы дапамаглі спікерам у іх развіцці. У завяршэнне мерапрыемства мадэратар падвяла вынікі, падзякаваўшы спікерам за іх натхняльныя гісторыі і студэнтаў за актыўны ўдзел.

Мітап «Натхненне ад лідараў» стаў паспяховым мерапрыемствам, якое не толькі дало студэнтам магчымасць даведацца аб рэальных прыкладах поспеху, але і стварыла сяброўскую атмасферу для абмену вопытам і ўстанаўлення новых сувязей. Такія сустрэчы адыгрываюць важную ролю ў развіцці маладога пакалення прадпрымальнікаў, гатовых да рэалізацыі самых ашаламляльных ідэй.