У Купалаўскім універсітэце шырока развіты валанцёрскі рух, і ўдзел у такіх мерапрыемствах не толькі прыносіць карысць грамадству, але і дапамагае развіваць лідарскія якасці, творчы патэнцыял і сацыяльную адказнасць.

Асноўная задача конкурсу - выяўленне і заахвочванне лідэраў, якія ажыццяўляюць грамадскую і сацыяльна значную дзейнасць, а таксама папулярызацыя і развіццё валанцёрскага руху ў нашай краіне.

Прыняць удзел могуць студэнты, магістранты і навучэнцы каледжаў ГрДУ імя Янкі Купалы.

Конкурс традыцыйна праводзіцца ў тры туры – універсітэцкі, абласны і рэспубліканскі па наступных намінацыях:

«Я - Валанцёр»

«Лепшы валанцёрскі атрад»

«Лепшая валанцёрская група ў сацыяльнай сетцы»

«Лепшы валанцёрскі праект»

Дапускаецца ўдзел адначасова ў некалькіх намінацыях.

Падаць заяўку для ўдзелу ў конкурсе можна да 13 лістапада, для гэтага неабходна запоўніць заяўку і прадставіць дакументы ў адпаведнасці з Палажэннем. Усе матэрыялы дасылаць на пошту cvd@grsu.by.

Арганізатарамі конкурсу з'яўляюцца Цэнтр валанцёрскай дзейнасці ўніверсітэта, прафсаюзны камітэт навучэнцаў установы адукацыі «Гродзенскі дзяржаўны ўніверсітэт імя Янкі Купалы» і першасная арганізацыя з правамі раённага камітэта грамадскага аб'яднання «Беларускі рэспубліканскі саюз моладзі» ўстановы адукацыі «Гродзенскі дзяржаўны ўніверсітэт імя Янкі Купалы».

Засталіся пытанні? Звяртайся па адрасе: вул. Ажэшкі, 22, каб. 308 або па тэлефоне: (80152) 39-72-09.