З 25 па 29 жніўня ў Волагдзе праходзіць форум валанцёраў. Мерапрыемства аб'яднала 300 арганізатараў і кіраўнікоў праектаў у сферы добраахвотнасці з 30 рэгіёнаў Расіі, а таксама з 6 краін СНД. У ліку ўдзельнікаў і купалаўцы - вядучы спецыяліст аддзела аналітычнага, метадычнага і арганізацыйнага забеспячэння ідэалагічнай і выхаваўчай работы ўпраўлення выхаваўчай работы з моладдзю Марыя Скерсь і магістрант факультэта біялогіі і экалогіі Ксенія Жлоба.У ходзе форуму ўдзельнікі абмяркуюць сучасны парадак дня валанцёрскага руху, актуальныя напрамкі і прынцыпы работы з моладдзю.
У першы дзень мерапрыемства купалаўцы пабывалі ў Валагодскім тэатры юнага гледача, пазнаёміліся з таямнічым закуліссям тэатра, дапамаглі разабраць рэквізітныя пакоі і падрыхтаваць тэатр да новага сезона.
Сёння, 26 жніўня, увесь дзень будзе прысвечаны адукацыйным праграмам: перад удзельнікамі форуму выступіць мноства экспертаў у сферы валанцёрства і дабрачыннасці, якія прадставяць свой досвед працы, пазнаёмяць з сістэмай валанцёрскай дзейнасці Расійскай Федэрацыі, а таксама раскажуць пра існуючыя магчымасці для рэалізацыі сваіх праектаў і ініцыятыў. .
Купалаўцаў чакае насычаная праграма, мноства цікавых знаёмстваў і, вядома, карысныя тэарэтычныя і практычныя веды, якія ў далейшым будуць скарыстаны ў працы нашага ўніверсітэта.
