У гонар свята на Плошчы ўніверсітэцкага сцяга  прайшоў студэнцкі флэшмоб. Больш за 80 студэнтаў сталі ў слова «МАМА» і склалі сэрца, якое стала сімвалам кахання кожнага купалаўца да самага дарагога чалавека на зямлі.

Прадстаўнікі Каардынацыйнага савета студэнтаў ГрДУ імя Янкі Купалы разам з прарэктарамі і начальнікамі структурных падраздзяленняў і аддзелаў універсітэта запісалі відэавіншаванне для мам. Таксама на факультэтах універсітэта прайшла акцыя «Мама, я цябе люблю!», падчас якой кожнаму студэнту прапанавалі патэлефанаваць і прызнацца маме ў каханні.

З надыходзячым святам Мам павіншавалі грамадскія арганізацыі ўніверсітэта: ВА "Беларускі саюз жанчын", ВА Беларускага Таварыства Чырвонага Крыжа, ПА / РК «БРСМ».

Завяршальным мерапрыемствам марафону ўрачыстасцяў да Дня Маці стала сустрэча кіраўніцтва ўніверсітэта з жанчынамі, якія выхоўваюць дзяцей. Падобныя сустрэчы сталі добрай традыцыяй для купалаўскага ўніверсітэта. У розныя гады на мерапрыемства запрашалі шматдзетных і маладых мам, а ў мінулым годзе - мам, чые дзеці працуюць ва ўніверсітэце.

У сустрэчы прынялі ўдзел і павіншавалі маладых Мам першы прарэктар Ірына Кітурка, прарэктар па вучэбнай рабоце Генадзій Гачко, прарэктар па навуковай рабоце Уладзімір Барсукоў і начальнік упраўлення выхаваўчай работы з моладдзю Аксана Котава. У асобе студэнтак, якія выхоўваюць дзяцей, кіраўніцтва ўніверсітэта пажадала ўсім Мамам надзеі, веры і любові.