У рамках развіцця навукова-тэхнічнага супрацоўніцтва Гродзенскага дзяржаўнага ўніверсітэта імя Янкі Купалы з інавацыйнымі прадпрыемствамі і арганізацыямі рэальнага сектара эканомікі Рэспублікі Беларусь адбылася рабочая сустрэча з Анатолем Дрындрожыкам, генеральным дырэктарам ТАА "Эксперт НК", якое з'яўляецца вядучым прадпрыемствам па распрацоўцы і вытворчасці абсталявання для неразбураючага кантролю, атэстацыі персаналу і лабараторый, якія працуюць у гэтай галіне.

З боку Купалаўскага ўніверсітэта ў сустрэчы прынялі ўдзел прарэктар па навуковай рабоце Наталля Башун, дэкан фізіка-тэхнічнага факультэта Генадзь Гачко, загадчык кафедры электронікі і электратэхнікі Андрэй Герман, старшы выкладчык кафедры электратэхнікі і электронікі Андрэй Самародаў, загадчык кафедры інфармацыйных сістэм і тэхналогій Юрый Бейцюк інжынер-электронік кафедры агульнай фізікі Васіль Ходар, начальнік навукова-даследчай часткі Антон Глазеў і начальніка цэнтра трансферу тэхналогій Алена Апякун.

У ходзе сустрэчы ўдзельнікі абмеркавалі і вызначылі перспектывы развіцця супрацоўніцтва ў галіне сумесных навуковых даследаванняў і распрацовак сучасных сістэм аўтаматызацыі і кіравання розным абсталяваннем на аснове высокапрадукцыйных мікракантролераў і інавацыйных схематэхнічных рашэнняў, а таксама распрацоўкі віртуальных трэнажораў для вывучэння ўстройства і прынцыпаў работы рознага абсталявання.

ТАА "Эксперт НК", у сваю чаргу, пацвердзіла гатоўнасць да ўдзелу ў сумеснай рабоце як арганізацыя-заказчык і спажывец навукоёмістай прадукцыі, якая распрацоўваецца вучонымі ўніверсітэта, з наступнай яе апрабацыяй і ўкараненнем на ўласнай вытворчасці.