Асацыяцыя выпускнікоў Гродзенскага дзяржаўнага ўніверсітэта імя Янкі Купалы - добраахвотнае аб'яднанне выпускнікоў Гродзенскага дзяржаўнага ўніверсітэта імя Янкі Купалы, створанае на аснове агульнасці інтарэсаў для садзейнічання развіццю ГрДУ імя Я.Купалы.
Аб'яднанне выпускнікоў ствараецца і дзейнічае на аснове прынцыпаў законнасці, добраахвотнасці, самастойнасці і галоснасці.
Сайт Асацыяцыі выпускнікоў ГрДУ імя Янкі Купалы - alumni.grsu.by
Прадметам дзейнасці Асацыяцыі выпускнікоў з'яўляецца культурна-асветніцкая дзейнасць, накіраваная на дасягненне наступных мэтаў:
- аб'яднанне намаганняў членаў арганізацыі па садзейнічанню павышэння прэстыжу ўніверсітэта;
- садзейнічанне ўмацаванню сувязяў ГрДУ імя Я.Купалы з вышэйшымі навучальнымі ўстановамі;
- абарона правоў і законных інтарэсаў сваіх членаў у дзяржаўных, гаспадарчых і грамадскіх органах і арганізацыях.
Асноўныя задачы:
- супрацоўніцтва з органамі дзяржаўнай улады і кіравання, а таксама з грамадскімі аб'яднаннямі ў Рэспубліцы Беларусь і за яе межамі;
- супрацоўніцтва і ўзаемадапамога з міжнароднымі арганізацыямі ў вырашэнні пытанняў ГрДУ імя Я. Купалы;
- вывучэнне грамадскай думкі пра дзейнасць ГрДУ імя Я. Купалы;
- садзейнічанне ў працаўладкаванні выпускнікоў універсітэта;
- ажыццяўленне вытворча-гаспадарчай дзейнасці, накіраванай на рашэнне статутных мэтаў і задач.
