Арганізатары падрыхтавалі шэсць захапляльных конкурсаў, якія праходзілі на чатырох навучальных пляцоўках. Удзельнікі змаглі праявіць зоркасць і дакладнасць у конкурсах «Выдатны стрэлак», «Тактычная стральба» і «Накат» (стральба з пнеўматычнай зброі). Спрыт рук правяралася ў выпрабаванні «Зброевы майстар», а фізічныя здольнасці – у конкурсах «Ваянізаваная эстафета» і «Кідальнік». Усе каманды праявілі высокі ўзровень падрыхтоўкі і актыўна ўключаліся ў барацьбу за прызавыя месцы.

Па выніках спаборніцтваў пераможцамі сталі ДУА «Гродзенскае абласное кадэцкае вучылішча», якое заняло першае месца, на другім месцы апынуўся Тэхналагічны каледж УА «Гродзенскі дзяржаўны ўніверсітэт імя Янкі Купалы», а трэцяе месца заняў факультэт фізічнай культуры Купалаўскага ўніверсітэта. Лепшыя каманды былі ўзнагароджаны сертыфікатамі ад пярвічных арганізацый Беларускага рэспубліканскага саюза моладзі і прафсаюзнай арганізацыі навучэнцаў ГрДУ імя Янкі Купалы, а таксама сувенірнай прадукцыяй ад універсітэта.

Злёт стаў не толькі магчымасцю прадэманстраваць патрыятызм і спартыўныя навыкі, але і ўмацаваў дух сяброўства і адзінства сярод удзельнікаў.