Прамоўніцкія і творчыя здольнасці прадэманструюць студэнты Гродзенскага дзяржаўнага ўніверсітэта імя Янкі Купалы ў фінале конкурсу «Студэнт года - 2015», які адбудзецца 5 лістапада 2015 года ў актавай зале па вул. Леніна, 32.
У конкурсе прымаюць удзел дзевяць лепшых купалаўцаў, якія паказалі свае магчымасці ў рамках завочнага адборачнага тура.
У фінале - вочным туры конкурсу - удзельнікам трэба будзе змагацца за перамогу на чатырох этапах - у конкурсе «Візітная картка», конкурсе аратарскага майстэрства «Будучыню будаваць маладым!», творчых конкурсаў і конкурсе «Група падтрымкі факультэтаў».
Па выніках конкурсу будзе вызначаны «Студэнт года – 2015» і пераможцы ў наступных намінацыях:
- «Лепшае партфоліо»;
- «Лепшы студэнцкі праект»;
- «Студэнт года ONLINE»;
- «Візітная картка»;
- «Майстар прамоўніцкага мастацтва»;
- «Творчасць»;
- «Лепшая група падтрымкі факультэта».
Запрашаем усіх жадаючых падтрымаць канкурсантаў!