Віншуем навучэнцаў Гуманітарнага каледжа ГрДУ імя Янкі Купалы з заслужанай узнагародай у намінацыі «Харавыя калектывы» на міжнародным замежным фестывалі мастацтваў The International Festival of Arts «Musical star of Slovenia»! Гэты дыплом - гэта не толькі прызнанне таленту і зацятасці, але і вынік сумеснай працы, любові да музыкі і імкнення да дасканаласці.
The International Festival of Arts «Musical star of Slovenia» адкрыты для жыхароў краін СНД і Еўрапейскага саюза. Дапускаюцца да ўдзелу выканаўцы без абмежавання па ўзросту, якія прайшлі адбор, які праводзіцца адміністрацыямі ўстаноў па месцы жыхарства або вучобы канкурсанта. Гэты праект праходзіць у два туры, дзе кожны ўдзельнік прадстаўляе конкурсную праграму на свабодную тэму.
Словы падзякі і ўдзячнасці хочам выказаць кіраўніку Таццяне Дуброўскай і канцэртмайстру Наталлі Радзінскай. Іх натхненне, прафесіяналізм і адданасць справе сталі залогам поспеху калектыву. Віншуем купалаўцаў з гэтым важным дасягненнем і жадаем далейшых творчых поспехаў і перамог!
Гродзенскі дзяржаўны ўніверсітэт імя Янкі Купалы