Падарункі і цёплыя віншаванні атрымалі хлопчыкі і дзяўчынкі з дзіцячых садоў №73 і №79. На ранішнікі да дзяцей зазірнулі рэктар Купалаўскага ўніверсітэта Ірына Кітурка, начальнік аддзела падтрымкі маладзёжных праектаў і ініцыятыў упраўлення па ідэалагічнай і выхаваўчай рабоце Іна Астроўская і, вядома, Дзядуля Мароз са Снягуркай.
Як старшыня камісіі па сацыяльнай палітыцы і справах моладзі Гродзенскага абласнога Савета дэпутатаў дваццаць дзевятага склікання Ірына Кітурка штогод віншуе малых з навагоднімі святамі.
- У любым узросце Новы год прыносіць радасць, і мы з нецярпеннем чакаем чараўніцтва. З гадамі мы разумеем, што можам самі ствараць цуды. Дарыць радасць іншым - не менш прыемна, чым атрымліваць яе. Таму купалаўцы з радасцю дзеляцца сваёй цеплынёй і дапамагаюць навакольным, - адзначыла Ірына Фёдараўна.
Кожны год купалаўцы ўдзельнічаюць у дабрачыннай акцыі "Нашы дзеці". Прадстаўнікі ўсіх факультэтаў універсітэта і каледжаў арганізуюць навагоднія і калядныя мерапрыемствы, тэматычныя выставы і дабрачынныя акцыі.
Гродзенскі дзяржаўны ўніверсітэт імя Янкі Купалы