У інтэрнаце № 3 Гродзенскага дзяржаўнага ўніверсітэта імя Янкі Купалы адбыўся конкурс «Mister International BLK-3 2016». Яго ўдзельнікамі сталі студэнты-купалаўцы з Туркменістана: студэнт 1 курса юрыдычнага факультэта Аманмырат Касымаў, студэнт 1 курса фізіка-тэхнічнага факультэта Азізджан Метыеў, студэнт 1 курса інжынерна-будаўнічага факультэта Іляс Ібрагімаў і студэнт 3 курса фізіка-тэхнічнага факультэта Мурат Оразмурадаў.
Падчас конкурсаў юнакі расказвалі пра сябе, сваю краіну, сямейныя традыцыі, уласныя захапленні, адказвалі на няпростыя пытанні членаў журы і паказвалі сваю спартыўную падрыхтоўку.
Тытул «Mister International BLK-3 2016» заваяваў студэнт 1 курса фізіка-тэхнічнага факультэта Азізджан Метыеў.
Пераможца і прызёры конкурсу атрымалі падарункі ад ПА ГА «БРСМ» ГрДУ імя Янкі Купалы.
