Удзельнікамі аздараўленчага лагера «Настаўнік NEXT» стануць 20 школьнікаў педагагічных класаў сярэдняй школы № 7 г. Ваўкавыска.
У рамках лагера для дзяцей пройдуць майстар-клас «Фарміраванне фінансавай пісьменнасці вучняў на ўроках і ў пазаўрочнай дзейнасці», дыспут на тэму «Адукацыя ХХI стагоддзя: як і чаму мы будзем вучыць?», прэзентацыя праекта «Музей сям'і педагагічнага факультэта», круглы стол «Настаўнік Next» - шлях у прафесію». Гэтыя і іншыя мерапрыемствы пазнаёмяць школьнікаў з прафесіяй педагога.
Акрамя таго, праграма работы лагера прадугледжвае сустрэчы з кіраўніцтвам і студэнтамі на факультэце матэматыкі і інфарматыкі, фізіка-тэхнічным і філалагічным факультэце, а таксама экскурсіі па горадзе, прагляд мастацкага фільма, прысвечанага подзвігу танкістаў у гады Вялікай Айчыннай вайны.