У рамках мерапрыемства, якое прайшло 30 студзеня 2016 года, адбылася сустрэча абітурыентаў з кіраўніцтвам факультэта і выкладчыкамі.
Загадчык кафедры выяўленчага мастацтва, дацэнт Анатолій Іванавіч Бурчык, старшыя выкладчыкі кафедры Ала Васільеўна Каляга і Наталля Анатольеўна Бедзюх распавялі выпускнікам школ аб спецыяльнасцях факультэта, правілах прыёму і патрабаваннях уступных іспытаў па прадмеце "Творчасць".
Супрацоўнікі кафедры правялі для абітурыентаў і іх бацькоў аглядную экскурсію па вучэбных майстэрнях, прадэманстравалі фонд студэнцкіх работ, відэаролікі аб кафедры выяўленчага мастацтва і аб факультэце, а таксама паказалі лепшыя ўзоры работ па дысцыплінах уступнага іспыту.
У межах сустрэчы для гасцей студэнтамі кафедры былі падрыхтаваныя экспазіцыі чатырох вучэбна-метадычных выстаў: "Малюнак", "Жывапіс", "Кампазіцыя" і "Папяровая пластыка".
З усімі навінамі факультэта мастацтваў і дызайну можна азнаёміцца тут.
Гродзенскі дзяржаўны ўніверсітэт імя Янкі Купалы