Надрукаваць гэтую старонку
Апублікавана ў Аўторак, 25 Люты 2025 16:41

У ГрДУ імя Янкі Купалы пройдзе маладзёжны анлайн-фестываль «Псіхалогія для цябе»

photo 5328118814765870290 yФакультэт псіхалогіі запрашае прыняць удзел у маладзёжным анлайн-фестывалі «Псіхалогія для цябе», які адбудзецца 1 сакавіка ў 10:00.

Гэта ўнікальнае мерапрыемства дасць удзельнікам магчымасць пагрузіцца ў свет псіхалогіі, пашырыць свае веды аб факультэце, а таксама атрымаць каштоўныя практычныя парады ад вопытных спецыялістаў.

Праграма фестывалю ўключае прывітальнае слова ад дэкана факультэта псіхалогіі, яго супрацоўнікаў, студэнтаў і выпускнікоў, а таксама псіхалагічныя майстар-класы ад прафесіяналаў. Запланаваны «Майстар-клас па мэтапакладанню: як правільна ставіць мэты» і «Прафарыентацыйны майстар-клас». Удзельнікі таксама змогуць задаць пытанні экспертам.

Мерапрыемства адкрыта для ўсіх, хто цікавіцца псіхалогіяй і хоча паглыбіць свае веды ў гэтай галіне. Не прапусціце магчымасць стаць часткай гэтай захапляльнай падзеі! Запрашайце сяброў, дзяліцеся навіной і далучайцеся да фестывалю разам!

Далучыцца да мерапрыемства можна па спасылцы.