На мінулым тыдні адбыўся вэбінар Еўрапейскай Асацыяцыі ўніверсітэтаў «TheESG-2015 - наступствы для ўніверсітэтаў». У анлайн-сустрэчы прынялі ўдзел прадстаўнікі з еўрапейскіх ВНУ, у тым ліку з Гродзенскага дзяржаўнага ўніверсітэта імя Янкі Купалы: прарэктар па вучэбнай працы Генадзій Аляксеевіч Гачко, начальнік вучэбна-метадычнага ўпраўлення Ірына Фёдараўна Кітурка і начальнік вучэбнага аддзела ВМУ Анатоль Іосіфавіч Багдзевіч.
На вэбінары выступілі Барбара Міхалк - прадстаўнік Асацыяцыі рэктараў ВНУ Германіі (HRK, Германія), Колін Церк - супрацоўнік Еўрапейскага рэестра агенцтваў забеспячэння якасці (EQAR, Бельгія), Ганна Говер - прадстаўнік Еўрапейскай Асацыяцыі ўніверсітэтаў (EAU, Бельгія).
Вэбінар быў прысвечаны абмеркаванню выпраўленай версіі Стандартаў і рэкамендацый забеспячэння якасці ў Еўрапейскай прасторы вышэйшай адукацыі (ESG), якую прынялі Балонскія міністры ў маі гэтага года. На анлайн-сустрэчы абмяркоўвалася пытанне забеспячэння якасці ў Еўрапейскай адукацыйнай прасторы, гаварылася пра цяжкасці, з якімі ўніверсітэты могуць сутыкнуцца ў працэсе ўкаранення новых стандартаў у нацыянальныя сістэмы вышэйшай адукацыі.
Дакладчыкі распавялі аб арганізацыях, якія прымалі ўдзел у пераглядзе старых і фарміраванні новых стандартаў, прадставілі іх мэты, якія ў першую чаргу накіраваны на паляпшэнне адукацыі, яго аптымізацыю і эфектыўнасць, адзначылі ключавыя моманты, якія былі перагледжаны ў абноўленай версіі стандартаў.
У Гродзенскім дзяржаўным універсітэце імя Янкі Купалы традыцыйна надаецца павышаная ўвага забеспячэнню якасці адукацыі. У святле інтэграцыі сістэмы вышэйшай адукацыі Рэспублікі Беларусь, якая пачалася ў гэтым годзе з прыняццем нашай краіны ў Балонскі працэс, упалаўскай ВНУ неабходна зрабіць асаблівы акцэнт на адпаведнасць адукацыйнага працэсу ва ўніверсітэце стандартам якасці, прынятых у Еўрапейскай прасторы вышэйшай адукацыі.
Відэазапіс вэбінару даступны па спасылцы.
Тэкст абноўленага стандарту даступны анлайн.
Адбыўся вэбінар Еўрапейскай Асацыяцыі ўніверістэтаў «The ESG-2015 – наступствы для ўніверсітэтаў»
Гродзенскі дзяржаўны ўніверсітэт імя Янкі Купалы