Студэнты 1 і 2 курсаў спецыяльнасцей «Гісторыя» і «Лінгвістычнае забеспячэнне міжкультурнай камунікацыі» факультэта гісторыі, камунікацыі і турызму Купалаўскага ўніверсітэта сталі ўдзельнікамі займальнай экскурсійнай паездкі ў сталіцу Беларусі – горад Мінск. Гэтае мерапрыемства было арганізавана факультэтам для студэнтаў, якія прымаюць актыўны ўдзел ва ўніверсітэцкіх і факультэцкіх мерапрыемствах, і стала выдатнай магчымасцю для пашырэння іх кругагляду і знаёмства з культурнай спадчынай Рэспублікі Беларусь.
Экскурсія праходзіла пад кіраўніцтвам каардынатара па інтэрнацыяналізацыі Святланы Хударганавай і старшага выкладчыка кафедры турызму і культурнай спадчыны Рамана Грыгарчука. Студэнты наведалі музей Вялікай Айчыннай вайны, дзе яны змаглі глыбей зразумець гістарычныя падзеі, якія паўплывалі на фармаванне сучаснай Беларусі. Экспазіцыя музея ўключае ў сябе не толькі артэфакты, але і мультымедыйныя інсталяцыі, якія ствараюць поўнае апусканне ў атмасферу тых дзён.
Наступным пунктам праграмы стала Нацыянальная бібліятэка Рэспублікі Беларусь – адно з сучасных і значных архітэктурных збудаванняў краіны. Студэнты з цікавасцю азнаёміліся з багатым кніжным фондам і інавацыйнымі тэхналогіямі, якія прымяняюцца ў бібліятэчнай справе. Унікальная форма будынка і яго інтэр'ер зрабілі на хлопцаў незгладжальнае ўражанне.
Акрамя таго, у рамках экскурсіі была арганізавана пешаходная прагулка па цікавых мясцінах Мінска. Удзельнікі змаглі прайсціся па прыгожых вуліцах сталіцы, палюбавацца архітэктурай, а таксама наведаць знакавыя помнікі і паркі. Гэтае мерапрыемства стала важным крокам у фармаванні актыўнай грамадзянскай пазіцыі ў студэнцкай моладзі.
Гродзенскі дзяржаўны ўніверсітэт імя Янкі Купалы