Навуковая бібліятэка ГрДУ імя Янкі Купалы запрашае студэнтаў, курсантаў, магістрантаў і навучэнцаў каледжаў прыняць удзел у конкурсе эсэ пад назвай «Вялікая Айчынная вайна ў лёсе маёй сям'і». Заяўкі на ўдзел у конкурсе прымаюцца да 27 красавіка, падрабязная інфармацыя размешчана ў Асноўная мэта конкурсу – паглыбленне разумення значэння Вялікай Айчыннай вайны ў гісторыі і культуры Беларусі сярод студэнцкай моладзі. Арганізатары хочуць садзейнічаць захаванню памяці аб героях вайны праз асабістыя гісторыі і сведчанні. Удзельнікі конкурсу змогуць даследаваць сямейныя архівы і гісторыі, звязаныя з удзелам сваіх сваякоў у вайне, што дазволіць ім не толькі зразумець гістарычны кантэкст, але і выявіць глыбокія асабістыя сувязі з гэтымі падзеямі.
Крытэрыямі ацэнкі дасланых прац зʼяўляюцца: раскрыццё зместу і тэмы, гістарычны кантэкст, асабістае ўспрыманне аўтара і значнасць падзей для яго сямʼі, лагічнасць пабудовы эсэ, выразнасць мовы, унікальнасць падыходу да тэмы і індывідуальнасць, граматнасць, пазбяганне клішэ і стандартных фармуліровак.
Удзел у конкурсе – гэта выдатная магчымасць для моладзі не толькі прадэманстраваць свае пісьменніцкія навыкі, але і паглыбіць свае веды пра гісторыю Вялікай Айчыннай вайны і яе ўплыў на беларускую культуру.