Штогадовы турыстычны злёт сярод студэнтаў усіх факультэтаў Гродзенскага дзяржаўнага ўніверсітэта імя Янкі Купалы будзе праходзіць з 30 верасня па 1 кастрычніка 2016 года ў в. Нямнова Гродзенскага раёна (Аўгустоўскі канал).
Купалаўцам трэба будзе пераадолець турысцкую паласу перашкод (вела, водны і пешаходны этапы), прайсці спартыўнае арыентаванне, прыняць удзел у конкурсе турысцкіх навыкаў і побыту і прэзентаваць каманду. Акрамя таго, студэнты пакажуць свае навыкі ў конкурсах «Супер турыст», «Дартс», «Такійскае метро», «Турыстычны валейбол», «Сумо» і «Ветрадуй».
Каманда-пераможца і каманды-прызёры атрымаюць каштоўныя падарункі, кубкі і дыпломы I, II, III ступеняў.
Заяўкі на ўдзел прымаюцца да 28 верасня 2016 года ў спартыўны клуб ГрДУ імя Янкі Купалы.
З умовамі і правіламі правядзення турзлёту можна азнаёміцца ў дадатку.