Спаборніцтвы прайшлі 12-13 кастрычніка ў Эстоніі.
Усяго ўдзел у турніры прынялі 322 атлеты з 38 краін.
У скарбонцы беларускіх спартсменаў тры ўзнагароды. Сярэбраны медаль у вагавай катэгорыі 81 кг заваяваў беларускі атлет Юсуп Бекмурзаеў, які ў фінальным паядынку саступіў французу Баптысту П'еру. На трэцюю прыступку п'едэстала гонару падняліся дзюдаісты з Францыі Нікалас Чылард і Альфа Джалілі.
Залатую ўзнагароду ў вагавай катэгорыі звыш 100 кг у скарбонку зборнай Беларусі прынёс Ягор Кухарэнка. На другім радку выніковага пратаколу размясціўся яго партнёр па камандзе Уладзіслаў Цярпіцкі. Бронзавыя медалі дасталіся італьянцу Вінчэнца д'Арка і спартсмену з Нідэрландаў Юру Спэйкерсу.
У медальным заліку беларуская каманда заняла чацвёртае месца. На вышэйшай пазіцыі знаходзіцца зборная Францыі. Другое месца на рахунку атлетаў з Нідэрландаў, замыкае тройку лідэраў зборная Германіі.