У Ваўкавыскі дзіцячы дом прадстаўнікі ГрДУ імя Янкі Купалы прыехалі з падарункамі і канцэртнай праграмай.
Першы прарэктар ГрДУ імя Янкі Купалы Алег Раманаў у цёплай святочнай абстаноўцы сустрэўся з дзецьмі:
- Я хачу пажадаць, каб вы глядзелі ў будучыню з радасцю і аптымізмам. Упэўнены, што кожны з вас даможацца таго, чаго хоча. З Новым годам, рабяты! Хай ён прынясе вам шмат радасці, новых поспехаў, падзей і добры настрой!
Дарэчы, стаць Дзедам Марозам для рабят па традыцыі змог кожны жадаючы - у гэтым годзе супрацоўнікі, студэнты і выпускнікі Купалаўскага ўніверсітэта адгукнуліся на больш чым 60 лістоў, у якіх дзеці напісалі пра свае самыя запаветныя мары. Падчас ранішніка выхаванцы дзіцячага дома разам з купалаўцамі гулялі, спявалі, танцавалі, прымалі ўдзел у святочнай праграме. Кульмінацыяй ранішніка сталі падарункі, якія юнакам уручылі Дзед Мароз і Снягурка.
Варта адзначыць, што акцыю "Дапаможам Дзеду Марозу" ў такім фармаце прафкам Гродзенскага дзяржаўнага ўніверсітэта імя Янкі Купалы праводзіць ужо 10 гадоў пачынаючы з 2009 года. Яна праходзіць у рамках рэспубліканскіх акцый «Прафсаюзы - дзецям» і «Нашы дзеці».
Гродзенскі дзяржаўны ўніверсітэт імя Янкі Купалы