Удзельнікамі фінальнага стартап-бою III адкрытага конкурсу «ИнНаСтарт» сталі 16 каманд.
У 2020 годзе фінал конкурсу праходзіў у онлайн-фармаце. Механізм правядзення фіналу, нягледзячы на дыстанцыйны ўдзел фіналістаў, застаўся ранейшым: тры хвіліны на правядзенне прэзентацыі, пасля чаго - адказы на пытанні канкурсантаў і журы, у склад якога ўвайшлі выкладчыкі ГрДУ імя Янкі Купалы, а таксама бізнесмены і прадпрымальнікі з Беларусі, Эстоніі, Літвы і Украіны.
Традыцыйна пераможцы конкурсу былі названыя ў чатырох катэгорыях. Так, у намінацыі «Лепшы стартап-праект -ПРАДУКТ» першае месца заняло мабільнЫ дадатак па паляпшэнні якасці сну «HealSleep». На другім месцы адукацыйны (педагагічны) бізнес-праект «Game-school Мэры Попінс». Трэцяе месца падзялілі праект па стварэнні базы аудыяказак «Аўдыёвандраванне ў святло казак» і лінгвістычная база дадзеных «Галасы Гродна».
Пераможцам у намінацыі «Лепшы стартап-праект - САЦЫЯЛЬНЫЯ ІНАВАЦЫІ» стаў праект па стварэнні мабільнага дадатку на спартыўную тэматыку «Вулічны трэнажор», на другім месцы «Студыя праектаў і стартапаў», трэцяе месца падзялілі база дадзеных для выпускнікоў «Абітурыент» і інтэрактыўны адукацыйны тэатр на нямецкай мове «Форум-тэатр».
Каманда, якая прадставіла ідэю распрацоўкі і продажу прылад па абслугоўванні матацыклаў, стала першай у катэгорыі «Лепшы стартап-праект - ТЭХНАЛОГІЯ». На другім месцы ідэя стварэння парковак з выкарыстаннем сонечнай энергіі для электратранспарту, трэцяе месца ў стваральнікаў чат-бота па аказанні юрыдычнай кансультацыі «Life-line» і курсаў для спартыўных скаўтаў «PRO SCOUT».
У намінацыі «Лепшы стартап-праект -ПАСЛУГІ» першай стала дзіцячая экалагічная студыя «INVENTA», на другім дадатак «Falconway», трэцяе месца падзялілі івэнт-агенцтва «Like» і праект «ЗD фотаздымкаў».
Пераможцы і прызёры IV Адкрытага конкурсу студэнцкіх стартап-праектаў «ИнНаСтарт» узнагароджаны прызамі, сертыфікатамі на бясплатнае кансультаванне ў Навукова-тэхналагічным парку ГрДУ імя Янкі Купалы і магчымасцю карыстацца яго інфраструктурай і паслугамі.
Нагадаем, што конкурс праходзіў у некалькі этапаў. Рабяты наведвалі адукацыйныя трэнінгі ад экспертаў у сферы бізнесу, прыдумлялі і правільна афармлялі свае ідэі, пасля чаго журы, у склад якога ўвайшлі выкладчыкі ГрДУ імя Янкі Купалы, прадстаўнікі прадпрыемстваў і арганізацый Гродна, ацэньвалі запатрабаванасць, актуальнасць, практычную реалізуемасць, канкурэнтаздольнасць праекта, а таксама наяўнасць абгрунтаванай бізнес-мадэлі праекта. Дарэчы, за ўсё для ўдзелу было пададзена каля 40 заявак.
Гродзенскі дзяржаўны ўніверсітэт імя Янкі Купалы