Супрацоўніцтва з установамі адукацыі Кітайскай Народнай Рэспублікі працягвае актыўна развівацца. Сёння, 19 лістапада, адбылася анлайн-сустрэча з прадстаўнікамі Хэйлунцзянскай навучальнай установы з вышэйшай адукацыяй Тайцы. Гэта першая сустрэча паміж бакамі, якая адчыніла дзверы для новага супрацоўніцтва.
На сустрэчы абодва бакі прадставілі свае адукацыйныя ўстановы, расказаўшы пра тое, як арганізаваны навучальны працэс. Кітайскія калегі выказалі цікавасць да магчымасці змешанага навучання – камбінаванага фармату, які ўключае онлайн і афлайн навучанне. Асаблівая ўвага была нададзена скарачэнню часу навучання за мяжой для студэнтаў, якія паступаюць у бакалаўрыят.
Разглядалася магчымасць адкрыцця новых спецыяльнасцей для анлайн-заняткаў з мэтай змяншэння працягласці навучання за мяжой, а таксама магчымасць стварэння навучальнага цэнтра. Акрамя таго, на павестцы дня абмяркоўваўся акадэмічны абмен, які з'яўляецца адным з ключавых момантаў для развіцця міжнароднага супрацоўніцтва.
Гэтая сустрэча стала важным крокам для стварэння плённага партнёрства паміж універсітэтамі, які садзейнічае абмену ведамі, вопытам і культурай і адкрывае новыя перспектывы для студэнтаў і выкладчыкаў абедзвюх краін.
Гродзенскі дзяржаўны ўніверсітэт імя Янкі Купалы