Семінар-практыкум быў накіраваны на прафарыентацыйную работу з моладдзю і адбыўся ў рамках узаемадзеяння з Рэсурсным цэнтрам сістэмы адукацыі Кастрычніцкага раёна горада Гродна.
Заняткі праходзілі ў рамках тэмы «Укараненне сістэмы ацэнкі ўзроўню гатоўнасці старшакласнікаў да ўсвядомленага прафесійнага самавызначэння на аснове сацыялагічнага маніторынгу». Семінар быў падрыхтаваны намеснікам дэкана па вучэбнай рабоце факультэта псіхалогіі Антанінай Семак, студэнтамі 3-га курса факультэта псіхалогіі сумесна з адміністрацыяй СШ № 38 ім. К. Тураўскага г.Гродна.
Заняткі былі арганізаваны для педагагічных работнікаў устаноў агульнай сярэдняй адукацыі Кастрычніцкага раёна Гродна, якія займаюцца прафесійнай арыентацыяй навучэнскай моладзі. У рамках семінара Антаніна Семак прадставіла ўдзельнікам вынікі шматгадовага супрацоўніцтва СППС школы і філіяла кафедры па прафарыентацыі моладзі.
Былі прадэманстраваны інтэрактыўныя заняткі з навучэнцамі 8-га класа «Методыка першаснай прафарыентацыі», з навучэнцамі 9-га класа – «Методыка работы з абітурыентамі каледжаў» і навучэнцамі 11 класа – «Методыка работы з абітурыентамі вышэйшых навучальных устаноў».
На панэльнай дыскусіі «Інтэграцыя метадаў прафесійнай арыентацыі моладзі ва ўмовах сістэмнага і міжведамаснага ўзаемадзеяння суб'ектаў адукацыі» каардынатары і ўдзельнікі падвялі вынікі працы семінара, адзначылі высокі ўзровень падрыхтоўкі і значнасць узаемадзеяння ў сістэмах «настаўнік-псіхолаг-клас» і «школа-каледж-універсітэт».
Гродзенскі дзяржаўны ўніверсітэт імя Янкі Купалы