19 снежня ў рамках праекта “Кіно ў дэталях” студэнты Купалаўскага ўніверсітэта паглядзелі адзін з фільмаў цыкла “Час выбраў нас!”. Праект накіраваны на фарміраванне павагі да сваёй краіны і яе гісторыі, што асабліва важна для маладога пакалення.
Фільмы з гэтага цыклу асвятляюць важныя гістарычныя падзеі і дасягненні, якія фармавалі сучасны імідж Беларусі. Гледачы могуць убачыць, якія намаганні былі прыкладзены для стварэння спрыяльнай атмасферы і развіцця эканомікі, што зрабіла Беларусь такой, якой яе ведаюць за межамі краіны.
Пасля прагляду фільма студэнты абмеркавалі ўбачанае з прарэктарам па ідэалагічнай і выхаваўчай працы Васіліем Сянько. Абмеркаванне прайшло ў фармаце жывога дыялогу, дзе ўдзельнікі дзяліліся сваімі ўражаннямі і разважаннямі аб значэнні прадстаўленых падзей для сучаснага грамадства.
У далейшым прагляд фільмаў з серыі "Час выбраў нас!" будзе працягнуты. Гэта дасць магчымасць яшчэ большай колькасці студэнтаў даведацца пра багатую гісторыю і культуру Беларусі, а таксама натхніцца на новыя дасягненні і здзяйсненні. Мерапрыемства “Кіно ў дэталях” развівае цікавасць да гісторыі і садзейнічае фарміраванню актыўнай грамадзянскай пазіцыі сярод моладзі.
Гродзенскі дзяржаўны ўніверсітэт імя Янкі Купалы