Ужо зусім хутка ў Гродзенскім дзяржаўным універсітэце імя Янкі Купалы адбудзецца вялікая ўрачыстасць – Дзень нараджэння нашай любімай Alma mater. Па традыцыі купалаўцы адзначаюць гэтую важную падзею святочным тыднем! Стартуюць мерапрыемствы 21 лютага, а завершацца 28 лютага. Усе падрабязнасці і афіша ў нашым матэрыяле.
У пятніцу, 21 лютага, адбудзецца традыцыйная Купалаўская дыктоўка "Знайдзі сябе з намі". Адкрыецца экспазіцыя выстаўкі “Універсітэт, які стаў маім лёсам”, яе героі – выпускнікі Купалаўскага ўніверсітэта. Завершыцца гэты святочны дзень культурна-забаўляльнай праграмай для студэнтаў універсітэта "Ноч Alma-mater".
У суботу, 22 лютага, у сценах ГрДУ імя Янкі Купалы пройдзе ІІ З'езд выпускнікоў розных гадоў, якія адбыліся ў прафесіі, сталі паспяховымі грамадскімі і палітычнымі дзеячамі нашай краіны.
Святочны панядзелак, 24 лютага, пачнецца з адкрыцця выстаўкі творчых работ студэнтаў і работнікаў факультэта мастацтваў і дызайну ў галерэі “Universum” “Пад небам Радзімы чароўныя імгненні”. Таксама ў гэты дзень адбудзецца паэтычны вернісаж "Табе, AImа mater, я песню складаю". Завершыць дзень адкрыццё аўдыторыі для правядзення грамадзянска-патрыятычных мерапрыемстваў (Музея гісторыі развіцця ўніверсітэта).
У аўторак, 25 лютага, пройдуць малебны ў храмах Гродна, прысвечаныя 85-годдзю ўніверсітэта, будзе дадзены старт кубку рэктара ГрДУ імя Янкі Купалы па валейболе сярод жаночых каманд, а таксама адбудзецца віктарына "Моцнае звяно ГрДУ".
У сераду, 26 лютага, пройдзе адкрыццё абноўленай Галерэі партрэтаў прафесараў універсітэта. Купалаўцаў чакае шэраг акцый. Гэта студэнцкая акцыя «Нам – 85!», «Праспяваем гімн універсітэта разам!» і "Салодкі пачастунак".
У пятніцу, 27 лютага, будзе дадзены старт юбілейнай міжнароднай навукова-практычнай канферэнцыі, прысвечанай 85-годдзю ўніверсітэта. Абмеркаванні будуць праходзіць у рамках агульнай тэмы «Студэнтацэнтраваны ўніверсітэт: пераемнасць і традыцыі адукацыі, інавацыі і перспектывы развіцця». Таксама ў гэты дзень адбудзецца ўрачыстае пашыранае пасяджэнне Савета ўніверсітэта.
Завершыцца святочны тыдзень урачыстым сходам і святочным канцэртам, якія пройдуць у Гродзенскай абласной філармоніі.
Гродзенскі дзяржаўны ўніверсітэт імя Янкі Купалы