Слухачы курсаў "Алімпіядная матэматыка" і "Алімпіядная інфарматыка" навучальнага цэнтра "Школа дакладных навук" факультэта матэматыкі і інфарматыкі ГрДУ імя Янкі Купалы заваявалі на III (абласным) этапе Рэспубліканскай алімпіяды 9 дыпломаў па матэматыцы, 2 дыпломы па фізіцы і 1 дыплом па астраноміі.
З 14 па 16 студзеня 2025 года ў Беларусі адбыўся ІІІ (абласны) этап рэспубліканскай алімпіяды па вучэбных прадметах.
З прывітальным словам на адкрыцці алімпіяды па матэматыцы выступіла намеснік дэкана факультэта матэматыкі і інфарматыкі Таццяна Ванькова.
Усім адзінаццацікласнікам - прызёрам алімпіяды ў Гродзенскай вобласці былі ўручаны імянныя пісьмы-запрашэнні да паступлення без уступных іспытаў у ГрДУ імя Янкі Купалы ад рэктара Купалаўскага ўніверсітэта Ірыны Кітурка.
14 слухачоў курсаў па алімпіяднай матэматыцы "Школы дакладных навук" прынялі ўдзел у абласным этапе рэспубліканскай алімпіяды па матэматыцы, фізіцы і астраноміі.
На алімпіядзе па матэматыцы было заваявана 9 дыпломаў.
Дыпломы І ступені заваявалі Дзмітрый Навумовіч, навучэнец Гродзенскай гарадской гімназіі імя А.І. Дубко, Яўгенія Масленікава, навучэнка 10 класа гімназіі № 3 імя А.І. Соламавай г. Гродна, Глеб Сцяпанычаў, навучэнец 11 класа гімназіі № 1 імя Я.Ф. Карскага г. Гродна.
Дыпломы II ступені заваявалі Кіра Русьянава, навучэнка 9 класа Абухоўскай сярэдняй школы імя І.П. Сянько, Алівія Шкута, навучэнка 9 класа гімназіі №4 імя Д.У. Казакевіча г. Гродна, Міхаіл Дзем'яновіч, навучэнец 11 класа гімназіі № 3 імя А.І. Соламавай г. Гродна, Максім Самойлік, навучэнец 11 класа гімназіі № 1 імя Я.Ф. Карскага г. Гродна.
Дыпломамі ІІІ ступені ўзнагароджаны Яўген Дзяшко, навучэнец 9 класа сярэдняй школы № 31 імя Л.Г. Кляцкова г. Гродна, і Андрэй Лясота, навучэнец 10 класа сярэдняй школы № 38 імя К. Тураўскага г. Гродна.
На алімпіядзе па фізіцы было заваявана 2 дыпломы: навучэнец 9 класа сярэдняй школы №13 імя У.Ц. Цабо г. Гродна Канстанцін Баяк і навучэнец 8 класа гімназіі № 3 імя А.І. Соламавай г. Гродна Данііл Рымша заваявалі дыпломы II ступені.
Навучэнец 8 класа Гродзенскай гарадской гімназіі імя А.І. Дубко Дзмітрый Пераскокаў на алімпіядзе па астраноміі заваяваў дыплом ІІ ступені.
Заняткі па матэматыцы ў рамках праекта "Школа дакладных навук" праводзяць кваліфікаваныя выкладчыкі Купалаўскага ўніверсітэта: Ірына Карлюкова, Наталля Казлоўская і выпускнік універсітэта Яўген Разумаў.
Адзначым, што на рэспубліканскім этапе алімпіяды па матэматыцы ў складзе каманды Гродзенскай вобласці прымуць удзел 8 слухачоў "Школы дакладных навук".
Гродзенскі дзяржаўны ўніверсітэт імя Янкі Купалы