Адміністрацыя Купалаўскага ўніверсітэта правяла шэраг сустрэч, прысвечаных будучым выбарам Прэзідэнта Рэспублікі Беларусь. Удзельнікі абмяркоўвалі электаральную кампанію, казалі пра важныя моманты, пра якія трэба памятаць, адпраўляючыся на выбарчы ўчастак.
Напярэдадні выбараў Прэзідэнта Беларусі, якія адбудуцца 26 студзеня, супрацоўнікі далучыліся да дыялогу і яшчэ раз узгадалі, як павінна праходзіць працэдура галасавання. Таксама прарэктары і рэктар нагадалі, што з 21 па 25 студзеня прадугледжаны дні датэрміновага галасавання для тых, хто не зможа аддаць свой голас за будучыню краіны ў асноўны дзень выбараў.
На сустрэчах абмяркоўваліся ключавыя аспекты электаральнай кампаніі з акцэнтам на адказнасці кожнага выбаршчыка. Адміністрацыя ўніверсітэта падкрэсліла важнасць актыўнай грамадзянскай пазіцыі і падтрымкі кандыдата, здольнага ўнесці пазітыўныя змены ў жыццё краіны.
Дарэчы, у Купалаўскім універсітэце такія сустрэчы праводзяцца рэгулярна, падкрэсліваючы даступнасць і адкрытасць кіраўніцтва. Прарэктары і рэктар актыўна размаўляюць з супрацоўнікамі і студэнтамі, абмяркоўваючы важныя пытанні і ініцыятывы для развіцця акадэмічнага асяроддзя.
Купалаўцы на працягу ўсіх сустрэч абмеркавалі пытанне аб важнасці галасавання, падкрэсліўшы значнасць грамадзянскай адказнасці і ўплыву кожнага голасу на будучыню грамадства.
Прыходзьце аддаць голас за ўпадабанага кандыдата, бо кожны голас - гэта новы ўзлёт!
Нагадваем
Датэрміновае галасаванне будзе праходзіць з 21 да 25 студзеня 2025 года. У гэты час выбаршчыкі, якія не могуць наведаць участкі ў асноўны дзень, маюць магчымасць прагаласаваць датэрмінова. У перыяд датэрміновага галасавання ўчастковыя камісіі будуць дзейнічаць з 12.00 да 19.00 без перапынку.
На сайце ЦВК Беларусі працуе сервіс па пошуку ўчастка для галасавання. Указаўшы неабходныя звесткі, любы выбаршчык можа даведацца, дзе знаходзіцца яго ўчастак для галасавання.
Гродзенскі дзяржаўны ўніверсітэт імя Янкі Купалы