Купалаўскі ўніверсітэт з 24 па 28 сакавіка адкрывае вясновы сезон прафарыентацыйнага інтэнсіву «PROF-вакацыі». У гэты час юнакі і дзяўчаты змогуць больш даведацца пра ўніверсітэт і спецыяльнасці, што дапаможа зрабіць ім свядомы выбар будучай прафесіі.
У праграме PROF-вакацый: майстар-класы, экскурсіі, урокі-семінары, вэбінары, круглыя сталы, бізнес-гульні, анлайн-семінары. Выкладчыкі і студэнты ўніверсітэта пазнаёмяць хлопчыкаў і дзяўчынак з музейнымі экспазіцыямі ўніверсітэта, навучальнымі лабараторыямі. Таксама купалаўцы правядуць для гасцей лекцыі, практычныя і лабараторныя заняткі. Важнай часткай праграмы стануць індывідуальныя кансультацыі па спецыфіцы навучання на выбраных спецыяльнасцях.
Не выпусціце магчымасць пабываць ва ўнікальным асяроддзі прафесійнага самавызначэння і пагрузіцца ў адукацыйны працэс універсітэта! Даведайцеся больш пра цікавыя спецыяльнасці! Удзел у прафарыентацыйным інтэнсіве бясплатны.
Гродзенскі дзяржаўны ўніверсітэт імя Янкі Купалы