З 1 красавіка на факультэтах ГрДУ імя Янкі Купалы праводзяцца метадычныя семінары для прафесарска-выкладчыцкага складу ўніверсітэта на тэму «Фарміраванне ў студэнтаў жыццесцвярджальнай пазіцыі». Арганізатарамі серыі семінараў выступае сацыяльна-педагагічная і псіхалагічная служба ўпраўлення па ідэалагічнай і выхаваўчай рабоце і факультэт псіхалогіі Купалаўскага ўніверсітэта.
Мэтай гэтых семінараў з'яўляецца павышэнне кампетэнтнасці педагогаў у пытаннях фарміравання ў навучэнцаў каштоўнасных адносін да жыцця, развіццё навыкаў стварэння падтрымліваючага адукацыйнага асяроддзя, а таксама павышэнне дасведчанасці педагогаў аб прычынах, праявах, дзеяннях пры выяўленні суіцыданебяспечных паводзін у навучэнцаў.
У ходзе семінара падкрэсліваецца значная роля выкладчыка ў фарміраванні ў навучэнцаў навыкаў канструктыўнага пераадолення цяжкасцей, матывацыі да самаразвіцця і самарэалізацыі, а таксама ў стварэнні эмацыйна спрыяльнага адукацыйнага асяроддзя. Прапануюцца эфектыўныя метады і прыёмы, якія педагогі могуць выкарыстоўваць для развіцця паспяховай адаптацыі навучэнцаў, фарміравання пазітыўнага мыслення і ўпэўненасці ў сваіх сілах.
Рэгулярнае правядзенне такіх мерапрыемстваў садзейнічае абмену вопытам і лепшымі практыкамі паміж педагогамі.
Гродзенскі дзяржаўны ўніверсітэт імя Янкі Купалы