На філалагічным факультэце Гродзенскага дзяржаўнага ўніверсітэта імя Янкі Купалы 25-28 кастрычніка 2017 года адбудзецца XIII Міжнародная навуковая канферэнцыя "Сучасныя праблемы лексікаграфіі".
Падчас навуковай сустрэчы навукоўцаў плануецца абмеркаваць наступныя напрамкі сучаснай лексікаграфіі:
- «Метадалагічныя і лінгвістычныя аспекты лексікаграфіі, уключаючы камп'ютарную і корпусную лексікаграфію»;
- «Новыя слоўнікавыя праекты»;
- «Перакладная лексікаграфія»;
- «Тэрмінаграфія, тэрміналагічныя базы і банкі даных»;
- «Кагнітыўнае тэрміназнаўства і канцэптаграфія»;
- «Аўтарская (пісьменніцкая) лексікаграфія»;
- «Гістарычная лексікаграфія»;
- «Вучэбная лексікаграфія, выкарыстанне лексікаграфічных прадуктаў у камп'ютарнай лінгвадыдактыцы і ў інтэрнэт-дыдактыцы»;
- «Ідэаграфічныя, статыстычныя, анамастычныя і іншыя слоўнікі»;
- «Лексікаграфічнае апісанне дыялектаў, сацыялектаў, жаргонаў і іншых камунікатыўных варыянтаў моў»;
- «Сацыякультурныя і эканамічныя аспекты слоўнікавай дзейнасці».
У рамках канферэнцыі адбудзецца спецыяльная сесія, прысвечаная памяці выбітнага навукоўца - спецыяліста ў галіне прыкладной лінгвістыкі, лексікаграфіі і тэрміналогіі Аляксандра Сяргеевіча Герда. Таксама плануецца арганізацыя секцыі «Славянская дыялектная лексікаграфія».
Рабочыя мовы канферэнцыі: беларуская, руская, украінская, нямецкая, англійская.
Для ўдзелу неабходна запоўніць заяўку і выслаць яе разам з анатацыяй прэзентацыі / майстар-класа на рускай і англійскай мовах або тэкстам дакладу / паведамлення, аформленымі ў адпаведнасці з правіламі, да 1 лютага 2017 года.
З умовамі і падрабязнасцямі ўдзелу ў канферэнцыі можна пазнаёміцца у дадатку.
About XIII International conference «Contemporary issues of lexicography».
Кантакты
Адрас: Рэспубліка Беларусь, 230023, г. Гродна, вул. Э. Ажэшка, 22, аўд. 307 (кафедра агульнага і славянскага мовазнаўства)
Тел.: 8 (0152) 74-29-75
E-mail: lexicography2017@mail.ru
Web: http://phf.grsu.by