Навуковы форум адбудзецца на факультэце гісторыі, камунікацыі і турызму 28-29 сакавіка 2019 года. Удзельнікамі канферэнцыі стануць даследчыкі з Беларусі, Расіі, Чэхіі, Украіны.
На канферэнцыі будуць разгледжаны сацыяльныя аспекты мадэрнізацыйных працэсаў у эканоміцы краін Усходняй Еўропы, манетарныя практыкі насельніцтва і інвестыцыйныя паводзіны, развіццё прадпрымальніцтва, сацыяльна-эканамічная структура і мабільнасць насельніцтва краін Усходняй Еўропы.
Мяркуецца, што ў канферэнцыі прыме ўдзел каля 30 чалавек, з іх 20 іншагародніх (у тым ліку 7 замежных).
У складзе арганізацыйнага камітэта - прадстаўнікі ГрДУ імя Янкі Купалы, Беларускага дзяржаўнага ўніверсітэта, Інстытута сацыялогіі НАН Беларусі, а таксама прадстаўнікі ўніверсітэтаў Расіі, Чэхіі, Украіны.
Мэта канферэнцыі - аб'яднаць навукоўцаў з розных краін для абмеркавання праблем сацыяльна-эканамічнага развіцця краін Усходняй Еўропы і абмену вопытам даследавання.
Рабочыя мовы канферэнцыі - руская, беларуская, англійская, польская.
Да пачатку канферэнцыі плануецца выданне зборніка навуковых артыкулаў.
З праграмай канферэнцыі можна азнаёміцца тут.