18 сакавіка 2019 года абвешчаны трэці конкурс праектных прапаноў Праграмы трансгранічнага супрацоўніцтва Латвія-Літва-Беларусь на 2014-2020 гады ў рамках Еўрапейскага інструмента суседства. Дата заканчэння конкурсу - 30 мая 2019 года, 12:00 (час па Вільні, GMT + 2). Да пазначанага тэрміну заяўкі павінны паступіць у Грамадскую ўстанову Сумесны тэхнічны сакратарыят па адрасе: пр. Канстытуцыес 7, LT-09308, Вільнюс.
Стратэгічнай мэтай Праграмы з'яўляецца ўмацаванне адносін, павелічэнне магчымасцяў і абмен досведам паміж людзьмі і арганізацыямі з Латвіі, Літвы і Беларусі шляхам ажыццяўлення сумесных дзеянняў, накіраваных на павышэнне агульнай якасці жыцця ў прыгранічных рэгіёнах.
Трэці конкурс адкрыты для праектных прапаноў, адпаведных наступным тэматычным задачам і прыярытэтам:
- Садзейнічанне сацыяльнай інтэграцыі і барацьба з беднасцю::
1.1. Пашырэнне доступу груп рызыкі да сацыяльных і іншых паслуг;
1.2. Стымуляванне працаўладкавання праз прадпрымальніцтва і інавацыі.
- Падтрымка рацыянальнага кіравання на мясцовым і рэгіянальным узроўні:
2.1. Павышэнне здольнасці мясцовых і рэгіянальных органаў улады вырашаць агульныя праблемы;
2.2. Умацаванне грамадства.
- Падтрымка мясцовай культуры і захаванне гістарычнай спадчыны:
3.1. Падтрымка і захаванне культурна-гістарычнай спадчыны і традыцыйных рамёстваў.
У рамках гэтага конкурсу праектных прапаноў бенефіцыярам рэкамендуецца актыўна падаваць заяўкі па прыярытэтам 2.2 «Умацаванне грамадства».
Больш інфармацыі аб 3-ім конкурсе праектных прапаноў Вы можаце знайсці тут.
Кантактная інфармацыя па тэл. 731954 (сектар міжнароднай праектнай дзейнасці)