Гродзенскі дзяржаўны ўніверсітэт імя Янкі Купалы сумесна з Саратаўскай дзяржаўнай юрыдычнай акадэміяй 23 сакавіка 2016 года праводзіць міжнародны (Беларусь-Расія) студэнцкі навукова-практычны онлайн-семінар «Інфармацыйныя тэхналогіі ў грамадзянскім і арбітражным (гаспадарчым) судаводстве».
У межах сустрэчы плануецца абмеркаванне наступных пытанняў:
– прымяненне інфармацыйных тэхналогій у грамадзянскім і арбітражным (гаспадарчым) судаводстве: сучасны стан і перспектывы;
– дзеянне прынцыпаў судаводства пры выкарыстанні элементаў электроннага правасуддзя;
– электронная форма звароту ў суд, электронны дакументаабарот, электронная судовая справа, прадстаўленне доказаў ў электронным выглядзе;
– разгляд спраў з выкарыстаннем сістэмы відэаканферэнцсувязі: прававыя і тэхнічныя праблемы;
– забеспячэнне доступу грамадзян і суб'ектаў гаспадарання да судовай інфармацыі, размяшчэнне інфармацыі аб дзейнасці судоў у сетцы Інтэрнэт;
– стварэнне і функцыянаванне ў судах аўтаматызаваных інфармацыйных сістэм;
– праблемныя пытанні абароны інфармацыі пры выкарыстанні электроннага правасуддзя, ідэнтыфікацыя асобаў, якія звяртаюцца да правасуддзя ў электронным выглядзе.
Мадэратарам з беларускага боку выступіў загадчык кафедры грамадзянскага права і працэсу юрыдычнага факультэта ГрДУ імя Янкі Купалы, доктар юрыдычных навук, прафесар Ігар Эдуардавіч Мартыненка, з расійскага боку - загадчык кафедры грамадзянскага працэсу Саратаўскай дзяржаўнай юрыдычнай акадэміі, доктар юрыдычных навук, прафесар Аксана Уладзіміраўна Ісаенкава і кандыдат юрыдычных навук, дацэнт кафедры грамадзянскага працэсу Саратаўскай дзяржаўнай юрыдычнай акадэміі, кіраўнік навукова-даследчага цэнтра ЮІПА СДЮА Міхаіл Юр'евіч Лебедзеў.
З праграмай правядзення семінара можна азнаёміцца у дадатку.
Кантакты
Тэл./факс:8 (0152) 45-00-02
E-mail: civil-grodno@list.ru