МЕСЦА І ЧАС ПРАВЯДЗЕННЯ ГУЛЬНІ
Гульня праводзіцца па тэрыторыі Гродна 11 мая 2023 года. Збор каманд у 10. 00 (аўд. 318, вул. Ажэшкі, 22).
УДЗЕЛЬНІКІ ГУЛЬНІ
У гульні бяруць удзел каманды ад сярэдніх школ г.Гродна ў складзе 6 чалавек (5 вучняў 8-11 класаў і кіраўнік каманды). Для ўдзелу ў гульні неабходна падаць заяўку (прыкладаецца) на электронную пошту prkomgrsu@mail.ru .
ПРАВІЛЫ І ПАРАДАК ПРАВЯДЗЕННЯ ГУЛЬНІ
Кожная каманда мае назву і можа мець асобную форму.
Адзін з членаў каманды - капітан. Каманда папярэдне рыхтуе 5 аўтарскіх пытанняў (пытанне, адказ, крыніца адказу і дасылае арганізатарам гульні разам з заяўкай).
Арганізатары гульні рыхтуюць заданні для "кропак" на маршруце ў горадзе: па тры пытанні рознага ўзроўню складанасці.
Арганізатарамі рыхтуюцца маршруты для кожнай каманды па розных траекторыях.
Камандзе неабходна на працягу 2-3 гадзін прайсці ўсе кропкі і адказаць на пытанні.
Агульная колькасць балаў запісваецца ў маршрутным лісце каманды чальцамі журы.
Каманда, якая першай праходзіць усе пункты маршруту і вяртаецца на старт, атрымоўвае дадатковыя балы. Конкурс капітанаў праводзіцца пасля спаборніцтваў па горадзе і ўключае розныя віктарыны па гісторыі г.Гродна.