Віктарына «Спорту - так!» адбылася 23 сакавіка 2016 года ў інтэрнаце № 4 Гродзенскага дзяржаўнага ўніверсітэта імя Янкі Купалы. Арганізатарам мерапрыемства выступіў інструктар па фізічнай культуры і сектара ідэалагічнай і выхаваўчай работы студэнцкага гарадка Вадзім Іванавіч Харко.
У спаборніцтве прынялі ўдзел чатыры каманды, кожная з якіх прадстаўляла паверх інтэрната.
Віктарына праходзіла ў чатыры этапы: у першым туры студэнты адказвалі на пытанні вядучага, у другім разгадвалі крыжаванкі, у трэцім спаборнічалі ў інтэлектуальнай гульні «Чахарда», у чацвёртым адказвалі на пытанні супернікаў.
Эксперты адзначылі добрыя веды студэнтаў у сферы фізічнай культуры і спорту і вызначылі пераможцаў. Так, лепшымі ў віктарыне былі прызнаныя прадстаўнікі каманды 2 паверха інтэрната. Другое месца ў каманды 5 паверха, трэцяе - у каманды 3 паверха, чацвёртае - у каманды 4 паверха.
Пераможцы і прызёры атрымалі прызы ад прафкама студэнтаў ГрДУ імя Янкі Купалы.
Гродзенскі дзяржаўны ўніверсітэт імя Янкі Купалы