Кіраўніцтва і студэнты факультэта эканомікі і кіравання сустрэліся з замежнымі слухачамі, якія навучаюцца на факультэце даўніверсітэцкай падрыхтоўкі Гродзенскага дзяржаўнага ўніверсітэта імя Янкі Купалы.
Дэкан дацэнт Марына Яўгеньеўна Карпіцкая, выступаючы перад гасцямі, адзначыла, што факультэт стаў выдатнай пляцоўкай для навучання, стажыровак замежных студэнтаў, магістрантаў, аспірантаў і выкладчыкаў. Тут атрымліваюць вышэйшую адукацыю замежныя грамадзяне з розных краін свету: Азербайджана, Кітая, Расіі, Туркменістана і Эфіопіі.
Сваімі ўражаннямі падзяліліся магістрант з Кітая Лю Шучэн, які ў цяперашні час праходзіць навучанне ў магістратуры па спецыяльнасці "Сусветная эканоміка», і студэнты з Туркменістана Сувханаў Рустам і Гулнар Худайбердыева. Хлопцы распавялі пра перавагі атрымання адукацыі ў нашай ВНУ, сярод якіх назвалі годны ўзровень забяспечанасці навуковай літаратурай, высокі прафесіяналізм выкладчыкаў, неардынарнасць правядзення заняткаў, а таксама прыязны з боку студэнтаў.
З усімі навінамі факультэта эканомікі і кіравання можна азнаёміцца тут.
Гродзенскі дзяржаўны ўніверсітэт імя Янкі Купалы